Эразмус+ "жоғары білім беру саласындағы әлеуетті арттыру" (ЖББСӘА) бағдарламасының құрамдас бөлігі шеңберінде серіктес елдердің жоғары оқу орындары мен жоғары білім беру жүйелеріне ұзақ мерзімді ықпалға қол жеткізуге бағытталған жобаларды қаржыландыруға болады.
ЖББСӘА жобалары - бұл бағдарламаның 34 елінен және 150-ден астам серіктес елдерден келген жоғары оқу орындары арасындағы көпжақты серіктестіктерге негізделген трансшекаралық ынтымақтастық жобалары. Эразмус+ - ке қаржылық үлес қосатын бағдарлама елдері - ЕО-ға мүше 28 мемлекет, сонымен қатар Исландия, Лихтенштейн, Норвегия, Сербия, Түркия және Македония Республикасы. Қазақстан бағдарламаның осы компонентіне қатыса алатын әріптес елдерге жатады.
ЖББСӘА жобалары келесі міндеттерді шешуге бағытталған:
* жаңғыртуды, инновацияларды және жоғары білімнің қолжетімділігін қолдау;
* жоғары білімнің сапасын және оның еңбек нарығы мен қоғамның қажеттіліктеріне сәйкестігін арттыру, жоғары білімге тең қолжетімділікті қамтамасыз ету, оқытуды ұйымдастыру және жоспарлау, жоғары оқу орындарын жедел және стратегиялық басқару және жоғары оқу орындарын интернационалдандыру;
* ЕО мен тиісті серіктес елдер арасындағы ынтымақтастыққа жәрдемдесу;
* жаңа және инновациялық білім беру бағдарламаларын әзірлеу арқылы құзыреттілік деңгейін арттыру;
* бірлескен бастамалар мен озық тәжірибелермен алмасу арқылы әлемнің түрлі өңірлерінің өңірлік және өңіраралық интеграциясы мен ынтымақтастығына жәрдемдесу.