Кафедра меңгерушісі
Сұлтанов Тимур Төлеуғалиұлы
«Көлікті пайдалану және жүк қозғалысы мен тасымалдауды ұйымдастыру» кафедрасының меңгерушісі
Сұлтанов Тимур Төлеуғалиұлы – техника ғылымдарының кандидаты, доцент, Л.Н. Гумилев атындағы Еуразия ұлттық университетінің көлік-энергетикалық факультетінің «Көлікті пайдалану және жүк қозғалысы мен тасымалдауды ұйымдастыру» кафедрасының меңгерушісі.
2020 және 2022 жылдары Ректордың Құрмет грамоталарымен марапатталған. 2023 жылы Қазақстан Республикасы Ғылым және жоғары білім министрлігінің Құрмет грамотасына ие болды.
2001 жылы Ш.Е. Есенов атындағы Ақтау мемлекеттік университетін үздік бітіріп, 270240 – «Кеме электр станциялары мен жабдықтары» мамандығы бойынша «Теңіз инженері» біліктілігін алды.
Еңбек жолын 2001 жылы Ш.Е. Есенов атындағы Ақтау мемлекеттік университетінің «Энергетика және көлік» кафедрасында оқытушы-стажер болып бастап, 2003 жылдың қыркүйегінде аталған кафедрада оқытушы болып жұмыс істеді.
2003 жылдың 1 желтоқсанынан 2006 жылдың 1 желтоқсанына дейін Қазақ бас сәулет-құрылыс академиясында (ҚазБСҚА, Алматы) күндізгі мақсатты аспирантурада білім алды.
2007 жылдың желтоқсанында Ө.А. Жолдасбеков атындағы Механика және инженерия институтында 010204 – «Деформацияланатын қатты денелердің механикасы» мамандығы бойынша техника ғылымдарының кандидаты ғылыми дәрежесін алу үшін диссертация қорғады. Диссертациялық жұмысының тақырыбы: «Анизотропты «плита-база» жүйесінің статикалық және динамикалық кернеу-деформациялық күйі». Ғылыми жетекшісі – техника ғылымдарының докторы, профессор Масанов Жайлау Қабылбекұлы (Алматы қ.).
2008-2012 жылдар аралығында Ш.Е. Есенов атындағы Каспий мемлекеттік технологиялар және инжиниринг университетінің Теңіз технологиялары институтында «Көлік және тасымалдауды ұйымдастыру» және «Теңіз техникасы және технологиясы» кафедраларын басқарды.
2012-2014 жылдары Л.Н. Гумилев атындағы Еуразия ұлттық университетінің көлік-энергетикалық факультетінде деканның оқу ісі жөніндегі орынбасары қызметін атқарды.
2014 жылдың сәуірінен қарашасына дейін Қазақстан Республикасы Білім және ғылым министрлігінің «Болон процесі және академиялық ұтқырлық орталығы» РМК Ақпараттық-талдамалық қамтамасыз ету басқармасының бас сарапшысы болып жұмыс істеді (Астана қ.).
2014 жылдың қарашасынан 2016 жылдың қыркүйегіне дейін Қазақстан Республикасының Тұңғыш Президенті – Елбасы атындағы Ұлттық қорғаныс университетінің ғылыми-зерттеу институтында аға ғылыми қызметкер болып қызмет атқарды (Астана қ.).
2016 жылдың қыркүйегінен 2023 жылдың тамызына дейін Л.Н. Гумилев атындағы Еуразия ұлттық университетінің көлік-энергетикалық факультетінде деканның ғылыми жұмыстар жөніндегі орынбасары болып жұмыс істеді (Астана қ.).
2023 жылдың қыркүйегінен бастап «Көлікті пайдалану және жүк қозғалысы мен тасымалдауды ұйымдастыру» кафедрасының меңгерушісі лауазымына конкурс арқылы тағайындалды.
100-ден астам ғылыми жұмыстың, оның ішінде 4 монографияның, 2 Scopus базасындағы мақаланың, өнертабысқа арналған 4 авторлық куәліктің авторы.
Тілдік дағдылары:
- Қазақ тілі – ана тілі
- Орыс тілі – еркін
- Ағылшын тілі – орта деңгей
Электрондық пошта: Sultanov_tt@enu.kz
Байланыс ақпараты: 010008, Қазақстан, Астана, көш. Қажымұқан 13, №3 ЦИСИ корпусы, кабинет. 432. телефон: 8-7172-70-95-00, ішкі: 33-107, 33-140.
